Nú styttast dagarnir óðfluga og blessað vetrarmyrkrið skríður yfir okkur skerbúana á norðurhjara siðmenningarinnar. Jólin eru líka tekin að nálgast, árstíðin þegar gamlir vinir brottfluttir vinir koma aftur í heimsókn. Og það er einmitt það sem gerist í þessari uppfærslu Vaktarans, gamall vinur kemur aftur í eiginleikaraðir Vaktarans, en annar hverfur á braut. 

• Aðdráttur á tímalínu
• Skilaboðakerfinu slátrað. Deiling tekur við
• Ítarlegri höfundaupplýsingar

 Þar fyrir utan höfum við verið að vinna mikið í bakvinnslu Vaktarans sem er að skila sér í mun hraðari Vaktara. Notendur ættu nú þegar að vera farnir að finna fyrir hraðaukningu innan kerfisins, sem mun halda áfram að aukast með næstu vikum. 

Ótrúlega mikið magn af góðum uppástungum kemur til okkar frá ykkur, notendunum, og stór hluti þeirra verður að eiginleikum innan Vaktarans. Ef þú lumar á góðri hugmynd, situr á uppbyggilegri gagnrýni eða þér liggur einfaldlega eitthvað á hjarta skaltu ekki hika við að hafa samband.